Azaroak 25, emakumeenganako biolentziaren aurkako egunaren harira, Euskal Herriko Bilgune Feministaren irakurketa uzten dizuegu:
IKUSI MAKUSI, ZER IKUSI?
- Haurren aurkako indarkeria patriarkalik ez-
"Askotan
esan ohi da indarkeria patriarkalak milaka aurpegi eta milaka ahots izan
ditzakeela, baina oraingoan ate atzean ezkutaturik gertatu eta geratu ohi diren
biolentzia-egoera lazgarrien inguruan arituko gara: umeen kontrako indarkeria
patriarkalaz.
Haurren
kontrako bortizkeria patriarkalak baditu dimentsio anitz: eraso fisikoak,
psikologikoak, arduragabekeria fisikoa eta emozionala eta sexu-abusuak.
Indarkeria aldaera anitz horien zutabeak
estuki lotuta daude patriarkatuaren baitako jendarteratze-prozesuei.
Txikitatik, sozializazio-prozesuan zehar, neskatoei edo mutikoei sexualitate,
identitate, rol eta eredu estereotipatu hertsiak ezartzen dizkie sistema
heteropatriarkalak, betiere, jendartean
sistemaren beharrak asetzeko leku eta funtzio ezberdinduak har ditzaten.
Ikusi makusi, zer ikusten da? Erpin asko dituen poliedroa egoera gordin eta
lazgarriez gainezka dagoela. Erpin asko dituen egoera gordin eta lazgarria
ikusten da. Horren aurrean, komenigarria dela deritzogu gatazka honi
irtenbideak ematen hastea. Horretarako, lehenik eta behin, egoera
horietan sortzen diren isiltasun-hitzarmenak hausten hastea garrantzitsua dela
deritzogu."
AZAROAREN 25ean INDARKERIA SEXISTARI AURRE EGITEKO BETE DITZAGUN KALEAK!